Descripción
Euskal Herriaren Sugarra
“Arantzazu aldizkarian hauspoari eragiten” azpitituluak adierazten duenez, Arantzazuko fraideek argitaratzen duten aldizkarian autoreak argitaraturiko artikuluen antologia da liburu hau, euskara eta euskal kulturari eta Euskal Herriko gizarteari buruz idatzitakoena bereziki. 1970-2005 bitartekoak dira artikuluok.
Arantzazu talaiatzat hartuta, erne jarraitzen eta kezkati bizitzen ditu autoreak garai hartako Euskal Herriko gorabehera sozial eta politikoak. Idazkera aberats eta txukun landuan eskaintzen dizkigu gertakarien bere irakurketak eta gogoeta kritikoak. Artikulu bakoitza pieza literario eder bihurtzen da Zurutuzaren lumatik ateratzean.
Bildumaren azalpenaz gain, autorearen aurkezpen bio-bibliografikoa dakar liburuak hasieran, P. Agirrebaltzategi editoreak idatzia.