Descripción
Arantzazuko baladak eta kopla zaharrak
2003an argitaraturiko Arantzazuko Balada edo Kanta Zaharrak liburuaren gehiagarria eta osagarria da ADK saileko II. tomo hau. Igone Etxebarriak liburu horretan aztertu eta argitaratu zituenez baladez gain, Arantzazuko beste balada eta konpla zahar, edo horien aldaera, asko dago bilduta hemen, artxibo eta iturri ezberdinetatik jasoak, konparazio-lan kritiko xehe eta guzti.
Paulo Agirrebaltzategi
Paulo Agirrebaltzategi Kortabarria. Araotzen (Oñati - Gipuzkoa) jaioa, 1942an. Anai frantziskotarra da. Romako Antonianum-ean Teologian doktorea da. Deustuko Teologia Fakultatean irakasle izan zen. 1971etik, Jakin aldizkariko kide, eta lauzpabost urtetan Jakin Taldearen arduraduna izan zen. 1970eko hamarkadan, UZEIren fundatzaileetako bat izan zen eta erakunde horretako lehen presidentea. 1990eko hamarkadan EUSENOR egitasmo entziklopedista diseinatu zuen eta egitasmo horren zuzendari orokorra izan zen. EKBko (Euskal Kulturaren Batzarrea) presidentea ere izan zen. Lan handia egina du hiztegigintzaren esparruan, eta liburu eta artikulu ugari argitaratu ditu hainbat kultur gairi buruzkoak. Ohorezko euskaltzain izendatua 2014ko maiatzaren 30ean.
Ver todos los libros del autor