Descripción
Arantzazuko kanta berriak
“Arantzazuko Kanta Zaharrak”deitu izan dituzte Arantzazun bertako herri-literaturako baladak, koplak eta horrelakoak, gehienetan anonimoak. Kontraposizioz “Arantzazuko Kanta Berriak”dira ADK liburu sail honetan Arantzazu kantatu duten abesti-testuak, berriagoak eta autoredunak –batzuetan ezezagunak izan arren–; horiek denak musikatzeko sortuak dira, eta gehien-gehienak musikatuta daude.
Paulo Agirrebaltzategi
Paulo Agirrebaltzategi Kortabarria. Araotzen (Oñati - Gipuzkoa) jaioa, 1942an. Anai frantziskotarra da. Romako Antonianum-ean Teologian doktorea da. Deustuko Teologia Fakultatean irakasle izan zen. 1971etik, Jakin aldizkariko kide, eta lauzpabost urtetan Jakin Taldearen arduraduna izan zen. 1970eko hamarkadan, UZEIren fundatzaileetako bat izan zen eta erakunde horretako lehen presidentea. 1990eko hamarkadan EUSENOR egitasmo entziklopedista diseinatu zuen eta egitasmo horren zuzendari orokorra izan zen. EKBko (Euskal Kulturaren Batzarrea) presidentea ere izan zen. Lan handia egina du hiztegigintzaren esparruan, eta liburu eta artikulu ugari argitaratu ditu hainbat kultur gairi buruzkoak. Ohorezko euskaltzain izendatua 2014ko maiatzaren 30ean.
Ver todos los libros del autor