Euskararen berri onak… eta txarrak
20 urtetako idazlanak (1957-1977)

Julian Alustiza 2005ean hil zen. Hil osteko liburu honetan hark zenbait aldizkaritan argitaraturiko artikuluak bildu ditugu; horietako batzuk bakarrik: 50 innguru. Ia denak “Aránzazu” (gaurko “Arantzazu”) eta “Goiz-Argi” aldizkarietan argitaratuak, 1957-1977 bitarteko urteetan.Antzinakoenak orain dela 50 urtekoak dira, beraz. “aztiri” ezinez sinatu ohi zuten.Arantzazutik idazten du Aztirik aldizkari horien irakurleentzat. Kontuan izan behar da hori, hainbat testu hobeto ulertu ahal izateko. Nafarroaz eta Euskarari buruz ari dela ere, sarritan aipatuko ditu Arantzazu eta bertako erromesak eta fraideak.
Aldizkaritan argitaraturiko euskarazko artikuluak atal handitan sailkatzekotan, honako lau titulu hauetara bilduko genituzke: 1. Nafarroan barrena, 2. Euskararen alorrean, 3. Nekazaritza bizitzaren inguruan, 4. Arantzazu aldetik begira.
Liburu honetan bi ataletakoak jaso ditugu. Bitan banatuta egon arren, oso lotuta daude batekoak bestekoei: Nafarroako kontuekin ari delarik ere, hango euskararen berriak eta horren egoerari buruzko kezkak dira gai nagusietako bat; euskal bertsolaritzaz, literaturaz eta idatziez ari delarik, euskararen gorabeherak datozkio etengabe lumara. Euskararen hariak lotzen ditu, lotu ere, bi atalak. Horregatik eman diogu liburu honi titulu orokor hau.