12,00 €
Joxe Azurmendik bakandu eta sailkatu zituen Elorri osatzen duten Gandiagaren 80 poematxoak. Poema-liburuaren lehen edizioaren hitzaurrea aita Luis Villasantek idatzi zuen. Haren hitzetan, “Elorria zuhaitz kaxkarra da, bihurria, txalkorra, zarpaila, haitzartean sortzen dana, ezertarako balio ez duena; baina hala ere, udaberrian, lore txuri txatxarrez josia eta estalia agertzen da, elurrez betea bailitzan, begien pozgarri. Egileak elorria hartu digu, bada, giza-bizitzaren irudia bezala. Bai, giza-bizitza ere halakoxea omen da: txalkor, zarpail, arantzez josia, mina eta samina alde guztietatik dariola; hala ere, inoiz badaki lore txuri txatxarrak ematen”
Errealitatea esperantzaz blaitzen duen begirada Frantziskotarra. Horixe Elorri. Garen horretatik, eta garen horri uko egin gabe, gora begiratzen duen begirada. Gandiagak gutxik bezala daki izaki eta sorkari guztien ederra ikusten eta dastatzen eta Jainkoaren presentzia adoragarria nonahi nabaritzen. Horregatik Arantzazun dana da harkaitz, eta dana tenplu, gainontzeko guztia, horren guztiaren apaingarri baino ez. “Harrizkoa zara”!, kantatzen du Gandiagak.
| Autor | Bitoriano Gandiaga |
|---|---|
| Portada | Ver portada |
| Editorial | Arantzazu Edizio Frantziskotarrak |
| Año | 1989, 2ª ed. |
| Idioma | Euskera |
| Encuadernación | Rústica |
| Nº de páginas | 272 |
| ISBN | 9788472400122 |
| Prólogo de | Juan Mari Lekuona |
| Ilustraciones de | Jose Luis Iriondo |
Bitoriano Gandiaga (1928-2001). Mendatan jaio zen, Orbelaun baserrian, 1928ko urriaren 8an. Hamairu urte zituela Arantzazura joan zen fraidetarako eta apaiz-ikasketak egitera. Arantzazun eta Foruan ikasi zituen Humanitateak. Zarautzen zuen zuen nobizio-urtea (1947-1948). Erriberrin egin zituen Filosofiako ikasketak (1948-1951) eta Arantzazun Teologiakoak (1951-1955). Apaiztu ondoren, Arantzazun eman zuen bere bizitza osoa, fraide-gaien irakasle, idazle eta apaiz-lanetan. 1955-1990 urteetan seminarioko irakasle izan zen: mutikoei euskara eta esku-lanak irakatsiz, besteak beste. 2001eko urtarrilaren 21ean hil zen Arantzazun.
Gaztetatik hasi zen olerkiak idazten –1950ean argitaratu zuen aurrena, Erriberriko Filosofiako ikasleen Gure Izarra barne-aldizkarian–; ondorengo urteetan olerkiak idazteari eutsi zion, eta 1951tik aurrera aldizkaritan hasi zen argitaratzen (Aránzazu, Eusko-Gogoa, Olerti, etab.). Hainbat sari eta aipamen lortu zuen urte horietan olerki-lehiaketetan: Donostia (1951), Zarautz (1954) Arantzazu (1956), Euskaltzaindia (1959).
| Peso | 0,5 kg |
|---|---|
| Dimensiones | 22,5 × 15,5 cm |