Bakegilearen otoitza
Asisko Frantzisko Otoitzaren gaurko irakurketa berria

Bakegilearen Otoitza – Bakearen aldeko Otoitz hau-, «San Frantziskoren Otoitza» izenez ere ezaguna da; eta gure gaurko munduan lausoki zabalduriko espiritualitate frantziskotarraren adoerazgarriak nabarmentzen dizkigu.

Otoitz hau ez da Asisko Frantzisko historiko hark berak zuzenean idatzia, baina bai haren ildokoen fedeko san Frantziskoren espiritualitateak sortua. Asisko Frantzisko da otoitz honen aita espirituala; bera da egilea, «egile» hitzaren adierarik sakonen eta zabalenean.

Asisko Frantzisko bizi izan ez balitz, seguru asko ez zuten sekula idatziko ez zabalduko otoitz hau, eta are gutxiago bihurtuko zen, bihurtu den bezala, gaur eguneko otoitzik ekumenikoetariko.